სიკეთე, რომელის კეთებაც აუცილებელია

მეგობრებო ყველამ კარგად იცით გამონათქვამი - "რასაცა გასცემ შენია, რაც არა დაკარგულია". ცხოვრებაში პირველად ვიღებ კალამს (უფრო კლავიატურას) და მოგმართავთ თქვენ, მეგობრებს, ბლოგის მკითხველს და ფეისბუქის ფრენდებს. მე და თქვენ ერთად უნდა გავაკეთოთ სიკეთე და დავეხმაროთ პატარა ნიკას. 11 წლის ნიკა ჯაიანის ფორმა 100-ის  გრაფაში - “დასკვნა ჯანმრთელობის მდგომარეობის შესახებ, ან სრული დიაგნოზი“ - მითითებულია “აპლასტიური ანემია“, ხოლო გრაფის - “ავადმყოფობის მიმდინარეობა“ - გასწვრივ წერია - “მწვავე". ცნობა რომელიც 2010 წლის 22 ნოემბერს, იაშვილის სახელობის ბავშვთა ცენტრალური საავადმყოფოს მიერაა გაცემული.

აპლასტიური ანემია სხვადასხვა ინტერნეტ-საიტებზე ასეა განმარტებული - “სისხლწარმოქმნის მკვეთრი დარღვევა ძვლის ტვინის ჰემოპოეზური ფუნქციის ძლიერი დაქვეითების გამო“.

ანემია აპლასტიკური

[anaemia იხ. ანემია, aplasrica (ბერძნ. an უარყ. ნაწ., plastike იხ. პლასტიკა)] - ძვლის ტვინის დაზიანების შედეგად (სხივური დაავადებისას, ზოგიერთი შხამის მიღების შემდეგ) განვითარებული ანემია. აღსანიშნავია სისხლის წითელი ბურთულების, ჰემოგლობინის, თრომბოციტებისა და გრანულოციტების რაოდენობის შემცირება. კლინიკურად გამოხატულია ჰემორაგიული დიათეზი, ღრძილების ნეკროზი, ტემპერატური აწევა და სხვ. გრაფაში “სამკურნალო და შრომითი რეკომენდაციები“ წერია: “პაციენტს ესაჭიროება ძვლის ტვინის ტრანსპლანტაცია, რის შესახებაც მიღწეულია შეთანხმება ძვლის ტვინის ტრანსპლანტაციის ცენტრთან, იტალიაში, ვერონაში“.

“იაშვილის კლინიკაში ნიკა 5 თვის განმავლობაში იწვა. დაავადება ჯერ ჩამოუყალიბებელი იყო, როცა ანალიზები რამდენიმე ქვეყანაში გაიგზავნა. ამისთვის საჭირო საკმაოდ სოლიდური თანხა ჩვენ გავიღეთ და მიმძიმს იმის სიტყვებით გადმოცემა, როგორ შევძელით ამის გაკეთება. ჩემს დას, ნაზი გაბაიძეს ნიკას გარდა კიდევ ორი შვილი ჰყავს, საკუთარი ჭერი არ გააჩნიათ, ხან ვინ შეიფარებს, სამადლოდ და ხან - ვინ. 6 თვე გურიაში ცხოვრობდნენ, ახლობელთან; გორში 2 თვე გაატარეს; გასული წლის ნოემბერში, ჩემი და, შვილებთან ერთად, ერთ-ერთმა ბათუმელმა შეიფარა, დეკემბრის ქუჩაზე. უკიდურესი სიდუხჭირის გამო ჩემს დას ბავშვები სკოლაში ვერ დაჰყავს. რთულია იმის აღწერა, რას ჭამენ, როგორ იცვამენ, ტანზე, ფეხზე. ღვთის ანაბარაა ეს ოჯახი. თან, ჩემი დის მეუღლე პატიმარია, 14 წელი აქვს მისჯილი და აქედან მხოლოდ ერთი წელია გასული. მეც ნაქირავებში ვცხოვრობ, ჩემს შვილსაც პრობლემები აქვს სისხლში და იაშვილის კლინიკაში დავდივართ“, - გვითხრა ნიკას დეიდა, ნათელა გაბაიძემ. 
მისივე თქმით, 11 წლის ნიკა ჯაიანის ჯანმრთელობის მდგომარეობის შესახებ, ნოემბრის შუა რიცხვებში ტელეკომპანია “რუსთავი 2“-ით გადაიცა ინფორმაცია; ბათუმში "ტელეარხმა 25"-მაც მოამზადა სიუჟეტი; ბოლოს, აჭარის ტელევიზიას გადაუცია ინფორმაცია, რომ თუ ნიკას დედა 9 იანვრამდე ვერ შეძლებდა 3 500 ლარის მოძიებას, მის შვილს ძვლის ტვინის ტრანსპლანტაციას ვეღარ გაუკეთებდნენ. ტელევიზიით ანგარიშის ნომერიც გამოუცხადებიათ, რასაც მხოლოდ ერთი ადამიანი გამოხმაურებია - 8 ლარი ჩაურიცხავს მითითებულ საბანკო ანგარიშზე. მას ალბათ მეტი საშუალება არ ჰქონდა და იმან, ვისაც საშუალება ჰქონდა, სავარაუდოდ, ყურს მიღმა გაატარა - “სხვისი ჭირი ღობეს ჩხირიო“...ნათელა გაბაიძე: “ძვლის ტვინის ტრანსპლანტაციისთვის საქართველოდან ყოველწლიურად 10 ბავშვი იგზავნება. ეს გარკვეული პროგრამით ხდება, რომელსაც მთლიანად იტალიური მხარე აფინანსებს. ანუ ოპერაციისთვის საჭირო თანხას იტალიური მხარე გამოჰყოფს. ამისთვის ქართული მხარე არც ერთ თეთრს არ ხარჯავს. ერთადერთი, რაც ამ პროგრამაში მოხვედრილი ბავშვის ოჯახმა უნდა გაიღოს, არის მგზავრობისთვის და ელემენტარული საჭმელისთვის აუცილებელი თანხა, რაც შეადგენს 3 500 ლარს.არიან ოჯახები, რომელთაც ეს პრობლემა არ აქვთ, მგზავრობისთვის და საჭმლისთვის საჭირო თანხა გააჩნიათ, მაგრამ ოპერაციისთვის აუცილებელი 150 000 ევროს ვერ შოულობენ. ჩვენს შემთხვევაში, როგორც გითხარით, პირიქითაა - ნიკას ოპერაციას გაუკეთებენ, თუ დედასთან ერთად ვერონაში ჩასვლას შეძლებს. მას, ვინც ამ ისტორიას წაიკითხავს, გულთან ახლოს მიიტანს და რითაც შეუძლია, იმით დახმარებას გადაწყვეტს, წინასწარ უდიდეს მადლობას ვუხდი“.

12 მარტს ნიკა ჯაიანს 12 წელი შეუსრულდება და შესაძლებელია თავის დაბადების დღისთვის გამოჯანმრთელებული იყოს. ეს კი თითოეულ ჩვენგანზეც არის დამოკიდებული. იმ შემთხვევისთვის, თუ ნიკას დახმარებას გადაწყვეტთ, გთავაზობთ ნიკას დედის, ნაზი გაბაიძის ანგარიშზე თანხების ეროვნულ ვალუტაში (ლარი) ჩარიცხვისთვის აუცილებელ საბანკო რეკვიზიტებს:

“საქართველოს ბანკი“, ცენტრალური ფილიალი (კოდი) 220101502მიმღების დასახელება - ნაზი გაბაიძე
მიმღების ანგარიშის ნომერი - GE46BG0000000262074000 

 საქართველოს ბანკის ცენტრალური ფილიალის კოდია BAGAGE22

857 74 63 34 ნათელა გაბაიძე.

ვიცი მეგობრებო ბევრი ადამიანია, რომელსაც ჩვენი დახმარება სჭირდება. კარგი იქნება თუ საშობაოდ და ახალი წლის დღეებში სიკეთეს გავაკეთებთ. თანხა არ არის დიდი და ამიტომ, 5 ლარი იქნება თუ 10 შევეწიოთ. დამერწმუნეთ ამაზე უკეთეს საქმეს ნამდვილად ვერ გააკეთებთ.